Isilka misilka
Jakes Ahamendaburu
Maiatz, Uhargi 14, 1988ko abendua

GEROAREN EZBAIAN

Iraganaren

inurritzetikan

zen oraia argiratu

eta oraiaren inurriek

geroaren lezea

ziguten haitzurtu...

Nik ere

zuek lez

amilubian

nuen oreka galdu

eta osineko arkaitzek

zidaten soina errautsi...

                                  Geroaren

                                  inaurrien erreginak

                                  aho lehorrez

                                  zidan iraultzaren

                                  mamia xurgatu...

                                  Amilubian

                                  iluntzera orduko

                                  oraiaren inurriak

                                  soilki ziren

                                  goserik geratu

                                  eta

                                  geroaren eki beltzean

                                  elgar irents egin zuten...

Isilka misilka
Jakes Ahamendaburu
Maiatz, Uhargi 14, 1988ko abendua