Isilka misilka
Jakes Ahamendaburu
Maiatz, Uhargi 14, 1988ko abendua

ZEZTAUA BASERRIA

Zuhamu ostoetan

ekiaren jolasa

Anttone tontorrean

basetxe zahar hutsa

Darizkio aurre orma erreari

sasoiek goldatu xirritu hezetsuak

sabai ilunean ernai eihartuak

haize zirimolak errauts zihikari

Hegatz meharra tximistez lehortua

erori beldurrez haizean ikaran

labategiko opil konsagratua

xurutegi ahotik xira dilindan

Zuhamu ostoetan

euriaren kilika

iraztoi usaintsuan

baserria barreka

                              Kolkoa blai

                              laparrek ote zaituzten

                              betierako irentsiko

                              geroak noiz ote duen

                              sukaldean surik piztuko

                              ni nago zai

                                    Oi gaixo Zeztaua

                                    bizi ahaztua...

Isilka misilka
Jakes Ahamendaburu
Maiatz, Uhargi 14, 1988ko abendua