|
Isilka misilka HAURTZARO ISLADA ... Haurtzaroak diraueno jolas nahikara bizkorrenean... Elardi usaintsuetan bareki ihalozkatu Sendra legartsuetan oin utsak soraiotu Gaztañadietan udaberriko xiritak lasterkatu Udazkena jin orduko atsegin itsutu ostoz eta goroldiez mozorratu Erroitz sakonetan uso hegal hautsiak bilatu Aldameneko mahastietan xederrak xuharki hustu Ihidoi joritsuetan urriko oilanda zihikatu Hariztoi ilunetan begi zorrotzez eta haztaka papuna itsumustu Neguaren azken hasperenetan hegaztegiko itaitzuren ikiñoak aho lehorrez trinkatu Ahurrak bildurik sorgi xurrutatik ur gardena jakitu Latsagiko uherrean sagar umatuak itsasontzi bihurtu Alanbre herdoitu hesietan galtza motxa berriak zarrastatu Aitaren izuz belar mondoilean inuxenki izkutatu Irri murrikek aurpegi leuna arraiturik Urrats zaloinek haur asmamena zeharkaturik Zotzik egin gabe gauean herabe ... Iguzkiak diraueno bizitzeko lehi sutsenean...
Isilka misilka |