Isilka misilka
Jakes Ahamendaburu

Maiatz, Uhargi 14, 1988ko abendua

 

AMETS ETENA

 

Gaua jaitsi orduko

ziren Basagorriko

  sorgintxo xuriak jalgitzen

 

Egunabartu arte

kantuz otarre bete

  mutxurdin-lore erro biltzen

 

Ezkont nahian zeuden

karloseri zioten

  susper magikoa eskaintzen

 

Zilarbegi gabetan

basa gatuek sutan

  zituzten sarritan laguntzen

 

Urteak igarotu

mutxurdinak bakandu

  seaskak joriki betetzen

 

Bailarean behera

donaduen mindura

  bekaitz aiztoak naharotzen

 

... Basagorria suntsitu

    basagatuak haizatu

    sorgintxoak indarkatu

    mutxurdin lorea histu...

 

Sorgintxo haurdunduak

begigaizto ezpatak

negu batez ziren bihurtu

 

Auzo aran beltzako

donadoak betiko

antzuturik ziren geratu

 

... sorgintxoak geroztikan

    non zer bilakatu ziren

    azken misterio hortan

    neure ametsa bukatzen...

 

 

Isilka misilka
Jakes Ahamendaburu

Maiatz, Uhargi 14, 1988ko abendua