Isilka misilka
Jakes Ahamendaburu
Maiatz, Uhargi 14, 1988ko abendua

EZINAREN AHOTSA

Zartagailuaren

oihu mingarra

iraultza galduen

azken deiadarra

        amildegi hegian

        itxaro leinurru

        inozenki zenidan

        eskatu sokorru

Azkorri desertuan

nindoan menturara

erantzun ezinean

isilean jaidura

        ahalak zitzaizkidan

        itsumustuan hertu

        itzurpide mutuan

        pozik ezin nabaitu

Nezazu barka otoi OXE

banaiz besteak bezalaxe

                ... gogoa mardul

                      eskua ahul...

Gaztaroan abertzale ardogai

egunero nindoan okerrago

gaurregun adinean aurrerago

ez dezaket sala nor dutan anai...

Isilka misilka
Jakes Ahamendaburu
Maiatz, Uhargi 14, 1988ko abendua