Isilka misilka
Jakes Ahamendaburu
Maiatz, Uhargi 14, 1988ko abendua

ORDU DA

Hasi zitzaikidan kolkoko zainean

irriki desgaraituak taupadaka

... erloju borobiltsuekin kukuka

Egun urtuen gezia zetorkidan

gaur mudurri bihotzaren ahurrera

... gau antzuan nindoan arnas hartzera

Garaiaren orratzek garamatzate

beren laster hauskor bezain mortalean

... nago ni urteen lausotasunean

Etengabeko birak daramazkite

orduen oihartzunek blai ortzi mugan

... gaude gu geure denboratasunean

Zein luze eta batera labur zaren,

okertuz zoazenean, oi denbora

... BIHOAZ orenkaria altxatzera

Isilka misilka
Jakes Ahamendaburu
Maiatz, Uhargi 14, 1988ko abendua