Isilka misilka
Jakes Ahamendaburu
Maiatz, Uhargi 14, 1988ko abendua

UZTARGARRI

Behin,

gaztaroko

uhin ahurretan

murgildurikan,

ez nintzela haboro

herri honetarako

zitzaidan mamitu...

neure sustrai sakonenak

egun urruti haietan

baizik zeutzan...

eta

egunsenti logaleak

gau tinka

zuenean biluztu,

itsas anderearen malefizioei

nintzen menperatu...

Lantzeko joaldunak lez,

noraeze arruntenean barrena,

dohainikazko biolazio guztiak

nituen ekuru pairatu

— inork baino hobeto —

eta neu,

ezin eden,

— Santi Brouard zitzaigun kendu berri —

bizian zehar jasan eragin

zizkigunen gatik,

bai ni ere

arnasa eutsirik

herri eguneroari

betiereko kateiaturik...

                                            Haien galtze antsia

                                            geure iraun nahia...

Isilka misilka
Jakes Ahamendaburu
Maiatz, Uhargi 14, 1988ko abendua