Isilka misilka
Jakes Ahamendaburu

Maiatz, Uhargi 14, 1988ko abendua

 

EZINAREN LEGE

 

Giza sustraigabetuen

nondik norako ekaitztsua

geure sator bizitzaren

pergamino galdu mutua

 

Agurearen

aurpegi hezurtsua

iguzkiaren

errainu otzandua

 

Baratze gardenetan

isiltasuna nagusi

ganer itzaltsuetan

ahanztuaren garraisi

 

Ilusio urtuen

malko irentsiak

nortasun gabearen

oinaze eustiak

 

Epeldu zaigu odola

jatorri orbain izkutua

eskasi madarikatua

alperreko parabola

 

Negarren artetik... nauzuen egin garrasi

ginarrak bildurik... euskera dadin biluzi...

 

 

Isilka misilka
Jakes Ahamendaburu

Maiatz, Uhargi 14, 1988ko abendua