|
Isilka misilka EZ ADIORIK Ate aurrean orma arrailduari josia denboraren irudi eternala ... zeure mizpir makil lehorra Ate aurrean arbasta aterpean soro usaintsuez beterikan ... zeure larru oski higatuak Ate aurrean intziri irentsi begi hezetsu zeure ahur hezurtsuaren aiduru Paxtor zeure xakur lagun ohia Egunsentia... gaur ez zara jaliko bihar ere ez urteen lege dorpea ausentzi krudela Bai joan zara attiti udaren atarian gaituzu denok utzi herioaren egi aurrez Altzuko baserrian gaur pasio kiskaliak Zeure mizpir makila nuen sabai xoko batean ahaztuaren eskuetan ipini Zeure larru oskiei anaiak zizkien higaduraren azken ximurrak eman Zeure xakur lagunaren begi lausoetan zihoazen abailduz zeure presentzi itxaroaren azken leinurruak Gaur, larre kaskoan dago ekia kinkirinan ... argi langia Goizeko lanbroxta zen barreatu eta harekin ziren... ... zeure esku kaskailduak zeure oin soraiotuak zeure euskera gurbila espazio amaituan betierako garbaldu...
Isilka misilka |