Isilka misilka
Jakes Ahamendaburu
Maiatz, Uhargi 14, 1988ko abendua

GRANITAREN OIHU HOTZA

Azkarateko bidean

hiru koloretako

balabolada anonimo batek

bizitzaren azken bihurgunea

moztu zion

Auzo soroetan

buruak apaldu ziren

eta

maskarak ehunka erori...

              ... ezina zait ahaztea

                  nolako

                  malkorik gabeko

                  hertzen negarrari

                  eman nion...

                                  ... ilunsenti

                                      griñatsu hartan...

              ... eta bidertzean

                  harriño bat

                  eraiki zioten...

... geroztik

sasoien haizeak

pasaianten

soen iheskorrak

leundutako

harriño bat...

              ... granitaren

                  oihu hotza.

Isilka misilka
Jakes Ahamendaburu
Maiatz, Uhargi 14, 1988ko abendua