Isilka misilka
Jakes Ahamendaburu
Maiatz, Uhargi 14, 1988ko abendua

PATUZKO BAIKORRA

Non zarete

neguko baso hostobagetuak

elge zolako enbor urtetsuak

Zer zarete

gaueko izar marrak

itsasoko orroak

Nor zarete

jauntxo lepo-xuri gezurtiak

jakitun zaharkitu maltzurrak

        Dudaren malenkoni atsegalean

        atseden gosez nintzen kurulbikatu

        sentsuen zurruburru abailkorrean

        ongi izatea nuen nabaditu

Irribarre agorretan

                          nahiaren

                          eta

                          ezinaren

laino guztien artean

                                ... jakin barik zertan datza

                                    zein pozik daukat bihotza...

Isilka misilka
Jakes Ahamendaburu
Maiatz, Uhargi 14, 1988ko abendua