LANGIÑEN ITZ-NEURTUAK

          1

Guraiza txorrotxalle

Eta tonelgiña,

Erakustera datoz

Beren lan egiña:

Izan ezkeroztanik

Merkea ta piña,

Salduko da Tolosan

Nai duten adiña.

          2

Dendari abilla ta

Arotz jakintsuna,

Badakigu Errira

Etorri zaizkuna:

Modara apaintzeko

Auxen da fortuna,

Bientzako Tolosa

Txit da leku ona.

          3

Txapelagiñarekin

Pelukagillea,

Badaki kizkurturik

Edertzen illea:

Laster aberasteko

Nolako idea?

Baldin balute beti

Irabazbidea.

          4

Ermentaria eta

Perra-ifinlea,

Bata gaiñ gañekoa

Bestea obea:

Ezagutuko dute

Agudo, ordea,

Burni ta mandoaren

Matxura gordea.

          5

Zapataginarekin

Eun kolaria

Gau ta egun oi dago

Nekera jarria:

Langintza mea dute

Bañan txit garbia,

Ustelak ezpadira

Larru, ta aria.

          6

Pertz arabatzalle ta

Txokolategiña,

Guzienean badute

Oek zer egiña:

Bata nekatu arren

Bestea adiña,

Irabazia dute

Guztiz desberdiña.