ATSEGIÑETAN ARKITZEN NAIZ

        Idazkera, izkera ta tankera, Iztuetarenak. Bertso ausiaren beste eredu bat.

                  1

Atsegiñetan arkitzen naiz ni

    arkitzen naiz ni

ezkontzen diralako maite gozo bi

    gustora

artako jaio ziran mundura

Gipuzkoa guztia txit poztu da.

                  2

Alaiak dira ezkongai biak

    ezkongai biak

diralako euskaldun garbi garbiak

    zañeti

ekusten dan gauza beti beti

fruta pin gozoa txertu oneti.

                  3

Jatorri ona irozo dedin

    irozo dedin

ezkontza naigarri au gogoz da egin

    segurki

doai au etorri zaie zeruti

ala bearrez bide zuzeneti.

                  4

Don Pedro Jose bai Iturriza

    bai Iturriza

Azpeitian egin du gustoko eiza

    emeki

tirabidean jarririk zuzenki

gauza ona zer dan berak badaki.

                  5

Galai prestu au pare bake da

    pare bage da

artzen du emaztezat Doña Ageda

    maitaro

gau gozo anitz ditzeke igaro

aren enbidian zenbait badago.

                  6

Emazte eder ta aberatsa

    ta aberatsa

gizona, badagoke onekin lasa

    munduan

gerra gaizto au bukatu ondoan

pozkidatuaz beraren alboan.

                  7

Seme galantak eta txit anitz

    eta txit anitz

eragiteko eran jarriko balitz;

    nai nuke

aitaren antza izango balute

Gipuzkoak guztiz mesede luke.

                  8

Ekusiko da bizi bagera

    bizi bagera

seme askoren ama Doña Ageda

    errian

Iturrizaz beterik ur garbian

etxeandre enitzen enbidian.

                  9

Lanari gogoz lenbaitlen ekin

    lenbait-len ekin

asi bage ez baidu izango berdin

    batere,

elizak artako jarriak daude

ez arren gelditu semerik bage.

                  10

Gau ta egun oso guztiak

    oso guztiak

Iturrizak daduzka gozo eztiak

    benetan

lenago ibilli baita neketan

baita ere asko aldiz kezketan.

                  11

Orain batere beldurrik bage

    beldurrik bage

egin dalako andre onaren jabe

    erazki

gusto onekoa artu du lazki

ditxa on asko berarekin daukazki.

                  12

Agur Don Pedro Brigadaria

    Brigadaria

guztiz toki onean dago larria

    betiko

dadukan onorea, nerekiko,

ez dio inork ere eregiko.