TOLOSAKO GAZTERIA PRESTU LEIALAK

          1845-garren urteko zaldun-iñute egunean,

          Beren erriko langin maizuak idurikatuaz,

          plazan egitera dijoazen jostallu atsegingarria

        Ederki egindako bertsok. 1845'ko Tolosako Iñauteritarako egiñak.

      Martxa

              1

Zaldun-iñote egun gozo au

Dalako guztiz pozgarria,

Jostaldiatu nai genduke guk

Maite degun jaiot-erria:

Izanik bada iñoteria

Apropos artako jarria,

Kantuz plazara gatoz dantzari

Gaur Tolosako gazteria.

              2

Gidari artu degu Gonzalez

Zanpantzartar ongi egiña,

Izatez txalkorra bada ere

Jakinduriaz txit abilla:

Erritik errira balebilke

Au bezalako baten billa,

Plazan jendeari emateko

Pozkida eta atsegiña.