NERE LAGUN MAITE

        Idazkera, izkuntza ta erak, Iztuetarenak. Gertaldi onen aitzindaria, Camara da.

          1

Nere lagun maite ta

adiskide Enbil;

zure mandatua nik

zuzenki det egin,

testiguak arturik

kolpatuarekin,

asuntoaz jueza

enteratu dedin.

          2

Ikusi duenean

asunto larria,

juezak formatu du

bertan sumaria;

Eloy asi zanean

klaratzen egia

illun ifinten zion

Camarak begia.

          3

Zuen bien artean

zer zuen ikusi

Eloy esplikatutzen

argiro zan asi:

Camarak naizuela

makilka ikasi,

jo zenduela bañan

ezurrik ez ausi.

          4

Juezak galdeturik

—esazu, ala da?

defensaren egiten

asi zan Camara:

bengatu nai duela

iñolaz al bada,

egin geniolako

farra ta algara.

          5

Camarari juezak

dio kargu egin,

ea zekien nor zan

Don Frantzisko Enbil?

eman arren buruan

makillarekin min,

pozik dagokeala

etzuenean ill.

          6

Aserre jarri zan txit

Camara orduan

esanaz min zuela

oraindik buruan;

gizona tratatzea

alako moduan

kondenatzen zutela

legeak munduan.

          7

Legeak zuzenkiro

ezarriak daude

bañan indarra oi da

beti aien jabe;

nik gezurra badiot

edozeñi galde,

makilka ezin ikasi

miñik artu gabe.

          8

Nai badezu, Camara,

makilka ikasi,

urrena etorzean

Enbillekin asi;

gorgolloak artzera

bear dezu ezi,

ordañak emateko

bigar edo etzi.

          9

Ez nuen gorgollorik

kolpea egotziz,

bañan min artzen nuen

kalaberan guziz,

jarri zitzaidalako

bertan ekimosis

zeña kuratu nuen

ardo on egosiz.

          10

Kolpeak meningean

ez dirade txit on,

antxen sortu zitzaidan

niri congestión;

es menester ifini

Enbil en prisión

besteri alakorik

egin ez degion.

          11

Juezak esan dio

Camara jaunari:

—Ezin diet termino

oriei igarri;

bañan ikusitzen det

argiro ta garbi

kolpeak artu arren

etzaudena eri.

          12

Ematera noa ni

nere sententzia

ikusirikan ongi

prozeso guzia:

gozoa txit gutxitan,

askotan gazia

badakizute bada

oidana auzia.

          13

Auzitan asitzea

guzientzat gaizto,

igarotzen da zenbait

onelako chasco.

Enbillek bear ditu

eman sei ollaisko

baduela uste det

kastigurik asko.

          14

Camarak ere busti

bear du beatza

pagatzen dituela

ardo ta legatza,

arrasalde bat ona

dezakegun pasa;

medikuen langintza

txit da aberatza.