IZTUETA'REN ESKUTITZA
AGUSTIN PASCUAL ITURRIAGA'RI

        Be-aldean daude oarrak. Berdiñ, Arozamenak bildutako amodiozko gaiñentzeko bertsoetan.

        1

Nere adiskide txit

prestu ta argia:

artu baitet bedorren

karta pozgarria;

aiñ zegoen gozoa

ta ongi jarria

ez da bedorrentzat au

mirari aundia.

        2

Ezkontzak izan oi du

asko langai modu,

batean irabazi

ta bestean galdu;

alaba utzitzea

ez nuke aiñ damu,

baldin senarrak ongi

maitatutzen balu.

        3

Erri aundi oetan

askotatik gutxi

senarrarekin ongi

oi dirade bizi;

batzuek zatika ta

besteak igesi

ezkondu bezin laister

oi dituzte utzi.

        4

Egin ezkeroztanik

alakoen jabe

eraman bear ditu

zenbait atsekabe.

Neska zar egoteaz

ere lanak daude

iñork ez nai gelditu

bat edo bat gabe.

        Nere adiskide mamia: txit etorri da bedorren karta egokia, ta denbora bear danezkoan, zeñaren zati guztiak azaldu diozkadan nere alabari, gure adiskide jakiñen aurrean, eta serbitzatu sermoirik onenak baño ere geiago. Ez det lekurik gaur. Bedorrena beti, Iztueta.