MIZPIROTZ

Zure aitak esan dit, nere maite polita

mispirak dazkatzula usteltzen jarrita.

Janari gozoa da guziaz mispira otz-ustela;

plazan saldutzen zaudela,

begira erosleai

benaz eta ernai;

galdua zera bestela.

      * * *

Salmenta txarra dute mispira zimurrak,

bigundu arteraño mami ta ezurrak.

Salmenta onekoak badira mispirak,

erosi gabetanik gelditzen ez dira;

gozoa eta piña,

eguteran egiña,

ez da izango miña.

      * * *

Ikaratzen baditu agin eta ortzak,

jaten asi orduko mispera ustel otzak,

gozoa dalarikan, ditu bere tatxak:

arantzakin osto txit latzak,

zimurtu ezkeroztik elkor ta minkatzak,

ba dakit dirana gaitzak.

      * * *

Kuidadu andia bear du,

zeren eltzen da txit berandu,

sasoia egin arte, elduegia ere

ez baitda on beñere.

Arretaz kontu egin bear zaio misperari;

lanik asko izango baita ala ere!

esaten dizut zure onerako,

etzaizu bada sekulan damutuko.