ZUARRENTETAKO ERREGELA

        Agian aurreneko aapaldi osoa Iztueta'rena da. Itzkera, Napar-Laburdikoa. Egokiera batzukin. Goyerri'ko itzkera asko dago. (Neur, neuri, zetik).

Zuarrentetatikan

nai nituzke nik

nere ixil-gauzak argitaratu;

nere Jaungoikoa, Zuk erakustazu

zer egin, nola itz egin.

      * * *

Laga nituen nik

nere ixill-gauzak

Maitetxo baten-gan;

saiatu bear det jakitera

mudatu ote dan.

      * * *

Triste daukat biotza, nere laztana!

zugaitik zer egin ez dakit;

erremedia nazazu pena onetatik,

      * * *

Aingerutxoa!, jarri ziñaden

biotz nerean betiko;

ala deritzat nerekiko.

      * * *

Damu det bestek eramatea

zu biotz neretikan;

ez deritzat mudatuko zerala

oraingo fedetikan.

      * * *

Aingerutxo oni esanaz nago beti:

biok alkarrekin bear degula bizi.

      * * *

Sartu zat biotzean

neuregana eta

ezin apartatu;

zer egin erakustazu.

      * * *

Egin det alegiña

sartu zat zure miña

egun da santa sekulako

nere aingeru piña.

      * * *

Ai, au penaren aundia!

esan dezadan egia,

zabala dago zure begia,

nere pena

guzien konsolagarria.

      * * *

Erramuren mezpera ezkeroztikan

etzerade, nere maite polita,

beñere ateratuko

neronen biotzetikan.

      * * *

Biotzean sartuta ezin apartatu;

arren, konsola nazazu.

      * * *

Beti penaz, oi! nago urriki;

et zaizkit Zeru altua;

zerroren ondo dakizu

nere trabajua.

      * * *

Nere buru guzia galdurikan

ni emen nago;

erremedio on bat, arren, indazu neri,

il baño lenago.

      * * *

Esperantza dadukat nik, Maitea!,

maitea zugandik

sendatuko nazula miñ onetatik.

      * * *

Nere maiteak ezagutzen bait du

daramazkidana pena andiak;

aditzera ematen asi dirade noizbait

      * * *

aren begiak,

nere Maitea,

ez bada, arren,

geiago egin negarrik;

zure suspiroak neuri

biotza erdiratzen dit.

      * * *

Bostetan esan dizut nik zuri

biotz nereko berri.

      * * *

Nere itzaren jabe nago ta

badakizu ez dirana bi;

beragatikan zor dizkidatzu

graziak partikularki;

aspaldi da esan nizula

zuretzako nengoela ni.