EZAGUTZEN OTE ZAITUT

Orain, zure bularrak

ezezagun baten gisan

dastatzen ditudan honetan

pentsatzen dut

nire betebehar bakarra

zurekin kalean gurutzatu

eta mamu baten antzera desagertzea balitz

ez nintzatekeela tristeago biziko.

Orain, nire kokotean

zure hatzen freskotasuna

sentitzen dudan bitartean

otutzen zait

nire betebehar bakarra

zure berna ezezagunak

zelatatzea balitz

zorion berbera izango nukeela ordain.