MENDEKO AZKEN GAUA

Patioa putzu sakona da

eta erdi-argiturik dauden leihoak, berriz,

arrainen begiak ilargiaren aurpegi izkutua

kristalezko frontoien antzera itzultzen dutenak.

Etxe bitartean patioa putzu beltz bat da

eta lehortzen jarritako arropak, menturaz,

olatuen gaina

garretan dauden zure ontziak kulunkatuz.

Baina pentsamenduen

otzara erraldoia ere bada,

eta patio horretan bilatzen baduzu,

perla urdina aurkituko duzu.

Baina mehatxu bat ere bada,

uretako larrosa gorri engainagarria,

izkutuko pentsamenduetan salto egitea

desiratzen duzula dakien

lore haragijalea.