TABERNAN

Diru-zorroa atera zuen hartutakoa ordaintzeko eta,

bat-batean, zerbaitek —zilueta batek

edo usain fin batek—

burua aterantz birarazi zion.

Maitalea ikusi zuen

tabernara sartzen...

Laster jabetu zen ez zela bera baina,

hain zeukan antz handia,

ezin izan baitzuen ekidin hari begira geratzea,

ezin izan baitzuen ekidin

ardoaren gorritik edaten ari ziren

ezpain gorri bi haiek berdin desiratzea.

Hezur-haragizko maitale irreal, osagabe

eta gezurrezkoari begira jostatu zen.

Benetakoa ezagutu baino lehenagoko

amets bat iruditu zitzaion.