INSKRIPZIO BI

Ezpata buru gainetik altxatu zionean

inskripzio bat irakurri ahal izan zuen

metalaren aho distiratsuan.

Milimetro gutxi batzutako sakonera zeukan

gereizpe ahul bat zen:

«Ordena ezarriko dut honen bidez».

Argiaren eta perspektibaren legeen gurariz

ezin izan zuen beste aldean grabatutakoa ikusi.

Edo behar bada ez zion astirik eman

zaldun zuriaren mezu osoa irakurtzeko:

«Ordena ezarriko dut honen bidez»

eta «Hierarkia jagongo dut ordena ezarriz».