ZORIONAREN TOLESTURAK

Usteltzen ari den heroi baten lepoa bada

aurrean ditudan muino hauen aurpegi urruna,

orduan hobe nuke hitz egiteko era

ikuspen honetara egokitu.

Munduak bere gorputzaren kontra estutzen nau

eta nire azalak beragandik edaten du.

Eserita nagoen lekua da nire ezkutua,

eta zuhaitzak hondoa jotako lantza erraldoiak,

eta haizea urteen olatua,

eta Euskal Herriko kondaira guztiak

bertatik esekita datozela ematen du.

Seguru paradisua ere

uste duguna baino gertuago dagoela,

seguru ditugun milaka fantasietako batean

izkutatzen dela.