IRATZARRI DA URREA

Zurekin esnatu naiz eta zu nirekin

bi urte zaharrago egin ninduzun goiz hura dirudi

ezagun dira gure aurpegietan gurutzatu ditugun zubiak

eta gure frutudun haragian ahoen petaloak.

Udaberriko malko bat zarela egiaztatzeko

jauregiko hormak bezala baztertu ditut izarak,

eta zure biluztasunean ia bizirik gabe sentitu naiz.

Badiotsut, zirristada bat zara niretzat,

badiotsut, sugeek jaten dute zure urteetatik,

zoriontsua naiz zure baratzean

eta uste dut inoiz baino ederrago zaudela.

Honelako goizetan beti esango dizut gauza bera,

uste dut inoiz baino ederrago zaudela,

nahiz eta badakidan ez duzula hitz egin nahi

inoiz bat etorriko ez garen gauzetaz.