EUKALDUN MARTIRE SARATAR NESKATILLA
LARRALDEKO MADALENARI

                Saritua izan zan 1886an Mauleonen

Gura neuskizuz zuri gloriak

Kantau, neskatxa samurra,

Frantzian igo eben denporan

Gorriak Gobiernura;

Oiñperaturik ain gizon gaizto

Ifernutarren bildurra

Oraindik izan arren amabost

Urteko gazte biguna,

Pinet ta bere lagunak gaitik

Ez eutsalako ardura.

Alperrik eutsun, lotu zinduzan

Piketearen buruak,

Esan guzurraz estalduteko

Berako zure kontuak;

Jakin etzedin zetara emon

Zenduzan ara pausuak,

Ta gitxiago an zelan artu

Zenduzan sakramentuak,

Zeintzuek gatik pagau ez eian

Ondoko zure lepuak.

Orduan baña fedez sututa

Ain modu miragarrian,

Erantzun zendun: Naiz ill naiela

Ni illgo nabe Egian;

Jakin begie gura badabe

Agintariak Frantzian:

Zelan konfesau eta komulgau

Nazan Berako errian

Jauna iraindu baño len zerren

Ill gura dodan grazian.

Nor ez da arri egingo oso

Non nai zu ikusitean,

Mendi bat legez, gogor ta zutik,

Katolikoen fedean;

Ikara baga, egia beti

Autortzen era batean,

Naiz soldaduen, zein jeneralen,

Bardin juezen aurrean,

Jakiña gaitik epai gaizto bat

Zeunkala zeure gañean?

Baña, Jesus da egia, eta

Zu ziñan egi zalea,

Orretxe gaitik, o! Madalena!

Kristo zan zure maitea,

Nogaz zenduan zuk bizi gura,

Nogaitik bere illtea.

Nogaz guzurraz etzendulako

Txarto nai geratutea,

Bere etsaiak emon eutsuen

Kastiguz eriotzea.

O neskatilla Sarako gazte

Fedez bardiñik bagea!

Ill bear eta kantetan dozu

Birjiñ-Amaren Salbea,

Lirio guri ziñan denporan

Ikusgarrizko loria,

Gillotiniaz gorriak zuri

Ebagi arren samia,

Orain zeruan gozetan dozu

Martiriaren koroia.