ON ANTONIO TRUEBAKOAREN ERIOTZEARI

        AMALAUDUNA

Muturik daukaguz gaur koplakariak,

Ez ditut entzuten euren bersuak,

Ixillik artzaiñen alboka zoliak

Danbolin txistu ta txilibituak;

Nun dabez irrintzak bideko burdiak?

Nun dira gazteen bai, ujujuak?

Bide, baso, solo, kale ta etxaldiak

Orain badakustaz oso mutuak?

Errotak ez dabe otsik gaur egiten,

Ez dantzut oletan gabi soñurik,

Euskal-izatea, ai, jat iruditen,

Dagoala miñez naigabeturik,

Bere kantaria jakolako ilten,

Ez dauka penia baño besterik!