EUSKAL-HERRIARENTZAT OTOITZA

Euskal-Herriak, euskal-jendeak

        egin ditutzun Jainkoa,

Eman daukuzu mundu hau baino

        bihotz bat handiagoa.

Euskal-jitea beroa dugu

        beroa eta osoa,

Batzu bertzekin etsaitzeraino

        nahi gauzetan baitoa.

Elgar jatetik begira-zkitzu

        euskal-semeak, Jainkoa.

Gure nahiak baino gorago

        zuri begira ibilki,

Euskal-Herria barnetik maitez

        denak bat gauden gizonki.

Anaituz geroz, euskaldungoa

        deusek ezin du aurtiki:

Gure arteko guduez irriz

        dagon debruak badaki.

Elgar jatetik begira-zkitzu

        euskal-semeak, Jainkoa.

Arantzazutik Belokeraino

        goiko-Amaren bihotza

Deika dagola zuri eskainiz

        euskal-bihotzen otoitza.

Etsimendurat ari direnak

        Aiten Fedeak pitz bitza,

Ez dadin heda euskal-lurrerat

        fedegabeen gau beltza.

Eskutan duzu euskal-geroa:

        gutaz urrikal, Jainkoa.

...-1-71

                        AIREA: Lurraren pean...