MIGEL-MARI

Joan naiz joan moto-tarrapatan

        patarrez patar:

Ez ziten ito ilunbetan

        bi Gipuzkoar.

        Migel-Mari, Migel-Mari,

Argi bila joateko,

Zertako bil zertako

barneko argi hori?

Aitzurra eskuan bazauden

        gaineri beha:

Biderik hoberena ez den

        Marx-en bidea.

        Migel-Mari, Migel-Mari...

Holako saindu-arpegiak

        izaki-eta,

Zergatik barneko argiak

        leizerat bota?

        ...Zertako hil zertako

        Barneko argi hori?

Gain huntan den goiko-bakea

        zuentzat kezka;

Urrungo borroka bidea

        zer amets bazka!

Parise duzue gogoan

        beti Parise.

Lezotik ama otoitzean

        entzun-azue.

        Migel-Mari, Migel-Mari...

Untziak badu itsas-argi

        ez dadin ito.

Zuek har, joanez munduz mundu,

        barnean Kristo.

        Migel-Mari, Migel-Mari,

Argi bila joateko,

Zertako hil zertako

barneko argi hori?

30-11-67

                        AIREA: Ezkila X.D.2