Olaberriko gainetik

EGIN

                Egin, egin egin...

                Harri edo burdin

                Kaskatzearekin,

                Ez geiago jakin

                Baden poz, baden min...

                Egin, egin egin...

        Lantegien kaskak, errekaz erreka,

          Tresnen hertzetan burrunbaka

        Gipuzkoar gazteak derabilzka;

          Eta Txindoki dena iguzki

          Zerurat dago bake galdezka.

                Egin, egin egin...

                Harri edo burdin

                Kaskatzearekin,

                Ez geiago jakin

                Euskadin baden min.

                Egin, egin egin...

                      * * *

Pentzean barna zoan, makil aintzurrekin;

Leizarraundi xaharrak bazuen bihotzmin:

«Lan geiegi egin dut eta orain ezin...»

Ikusten zuen hortxet aiten ontasuna

Egin berri dituzten lantegiak jana,

Bainan ez zuen hori minik handiena.

«Lur hautan gau-egun dut lan eta lan egin

Eta xahartzearekin gaurtik harat ezin...

Zertako naizen ere ez geiago jakin.»

«Egin, egin ta egin» oraiko sukarra

Euskaldunen zainetan euskal-min zaharra,

Sinestearen argiz guk hezi beharra.

Nola gizonak jasan bihotzeko hutsa

Eta lanik gabeko xahartze ezdeusa,

Jaunarekin ez badu barneko solasa?

Hori du euskaldunak hori beharrena.

Hartan solas egile egon dadin Jauna,

Otoitz egin kartsuki, zuk otoitz-gizona.

Lazkaon, 16-10-69