Lazkao-n jai-egun:

                        Hogoi-ta bortz urte,

                        Beloketik berexirik.

OTOITZ-ETXEA

Huna, Joan-aintzin, Lazkautarreri

        bihotz erdiko agurra.

Alde huntako euskal-elizek

        badute zuen beharra.

Zabal zazue Jaunaren deia,

        dei argi eta sarkorra,

Zaintzeko eta barnagotzeko

        Sinestearen indarra.

Intzaur-axala ederra bainan...

        hobea intzaur-barnea:

Azkatasuna maitagarria,

        anaitasuna hobea.

Azkatasunak Lazkao-n hogoi

        eta bortzgarren urtea...

Izan zaitezte beti geiago

        euskaldun OTOITZ-ETXEA.

Lazkao-n, 17-6-68