BERRITZ DU KRISTOK...

Berritz du Kristok pairatzen

Euskal-Herriko apezen

        Bihotzean.

Euskaldun gazten oinazen

        Kurutzean.

Loiolako semearen semea,

Zeren gatik duzu begitartea

Kezka-zimur eta minez betea?

Apez-karraz duzu sutan odola;

Bainan aitor nundik zauden gaur hola:

Gogor, ilun, arkaitz beltza bezala?

Berritz du Kristok pairatzen...

«Sartu naiz gaur euskal-minen minetan

Eta nehork ezin asma zer dutan

Minez jasan min-uhain beltz hoitan.

Urtu zaizkit kirets-urez bihotzak:

Oihukatu ditut heien otoitzak

Eta jo nau amen Ama Elizak...»

Berritz du Kristok pairatzen...

Kurutzea duzu beti kurutze...

Apez anai dolutsua, sar zaite.

Ez egon hor barnea dena oinaze.

Gure lagun zenbeit egun iragan:

Gain huntan otoitz eta bakean,

Apez-muñak zutan Jaunak pitz ditzan.

Berritz du Kristok pairatzen...

Oi Apeza, Jainkoaren ordaina,

Harena da zure baitan den mina:

Sendi zutan zoin den mintsu, zoin ona.

Maite baitu Jaunak Euskal-Herria,

Hor du barna kurutzea jarria

Altxa dadin Euskal-Herri berria.

Berritz du Kristok pairatzen

Euskal-Herriko apezen

        Bihotzean,

Euskaldun-gazten oinazen

        Kurutzean.

17-6-68

                        AIREA: Jaunaren Deia X.1