LURZURI-MENDI...

Lurzuri-mendi, gaitzeko mendi:

  hartan arkaitzak zoin handi!

Zeru-lurreri handik begira

  bihotz begiak noiz geldi?

Lurzuri-mendi zolako urak

  zoin nasai eta zoin garbi:

Zeruz beteko ur pizgarria

  jauziz badabil han gaindi.

                * * *

Jainko-semeak egin izan du

  diren guzien eskaintza,

Bai afaltzean, bai kurutzean

  emanez bere gorputza.

Bi moduz eta ez egun beraz

  egin izan du eskaintza:

Meza bakarra, Meza osoa,

  guzien bete den Meza.

Apezek dute orai berritzen

  Ortzeguneko eskaintza;

Eta zerulek bihotz barnean

  Ortziraleko bihotza.

Apezak eta zeruleak bat

  Kristoz beteak dabiltza,

Zeruko Aita goretsiz eta

  aintzinaraziz Eliza.

25-9-68. Lhurs mendetik itzultzean