Lafitte jaun apeza:

                        Kalonje.

EZPAINAK IRRIKARI...

Ezpainak irrikari

  behakoa zorrotz,

Barnean hotz iduri

  bainan dena bihotz.

Gaztean aintzindari

  zu zintugulakotz,

Nola gauzke, so zuri,

  zure gazteak hotz?

Euskal-Herrian oro

  lo zauden banoki:

Tiroa bezein bero

  jeiki zinen jeiki.

Ele tzar, ele zoro

  jasanez ausarki,

Zu, ximixt ala tiro,

  beti xuxen joaki.

...Gaztean aintzindari

  zu zintugulakotz,

Nola gauzke, so zuri,

  zure gazteak hotz?

Ezin apezagoa

  betitik baitzinen,

Zure kalonjegoa

  ez duzu ebasten.

Orai euskal-geroa

  da berritz argitzen,

Goragotik baitoa

  Lafiten mintzoa.

Ezpainak irrikari

  behakoa zorrotz,

Barnean hotz iduri

  bainan... dena bihotz.

5-7-61