«Salmoak» bururatu

                        eta indarrak berritu...

JAUNA DUT ARTZAIN

                (S. 22)

Jauna dut artzain: / ez naiz egonen / beharrean.

        Zer gainetarat / nerabilan!

Ur-bazterreko / pausa-lekurat / banerama,

        Pitz dakitan hor, / pitz arima.

Haren ondotik / bide zuzenez / ni banoa:

        Haren / izena / zoin gozoa!

Ilunbez ala / gaitz-erreketan / joanik ere,

        Nik ez beldurrik, / hor baitzare.

Zure begia, / zure makila / hor direno

        Badut nik bake, / badut gozo.

Zuhauk dautazu / ezartzen neri / mahain xuri.

        Etsai guzien / harrigarri.

Ixurtzen duzu / nere bururat / usain ezti;

        Basoan badut / gaindiz gaindi.

Nik zoriona / eta grazia / ditut lagun,

        Nere bizian / gau-et-egun.

Banago-eta / Jaun Zerukoa / den etxean,

        Epe luzerik / luzenean.

«Salmoak» 6-1-63