NERE BURU...

Nere buru, nere burua,

Noiz gozatuko duk Zerua?

        Harat heltzeko

        Zer min, zer gaitzak

        Jasan beharko

        Nere bihotzak...

Nere buru, nere burua...

        Kristo, zu nitan

        Gau-egun ibil:

        Ni zutan noan

        Eta zutan hil.

Nere buru, nere burua,

Noiz gozatuko duk Zerua?

            * * *

Nere begi, nere begia,

Noiz ikusiko duk Argia?

        Lanoz lanoan

        Bila nabila:

        Harat heltzean

        Argi zabala!

Nere begi, nere begia...

        Noiz dut Jainkoa

        Goza beharra:

        Duen gozoa,

        Duen ederra.

            * * *

Nere begia, nere begia,

Noiz ikusiko duk Jainkoa?

Nere buru, nere burua,

Noiz gozatuko duk Zerua?

Nere begi, nere begia,

Noiz ikusiko duk Argia?

Nere beso, nere besoa,

Noiz besarkatuko Jainkoa?

13-1-71