APEZAK APEZ BALIRE

Apezak apez balire

        eta fraideak fraide,

Euskal-Herriak baluke

        bake, maitasun, fede.

Baluke Jaunak hitzeman

        betiko bake hori,

Nausi baita gora bera,

        kezka eta mineri.

Baluke bake-giroan

        sortzen den maitasuna,

Burrunbetan ez baitabil

        Amodio den Jauna.

Baluke bihotz zabalek

        hartzen duten fedea,

Ezin baita hori gabe

        piztu euskal-jendea.

Apezak apez balire

        eta fraideak fraide,

Euskal-Herriak baluke

        bake, maitasun, fede.

...-10-70