Joan den urtean ere ez zen ohartu.

Berak ez zuen deus ere ikusi, baina zahar bati entzun ahal

izan zion hortxe daude berriz urtero legez eta gu hemen

hil artean bizi.

Guztiak goiari gelditu ziren begira, baina berak olgetan

segitu zuen.

Aurten, ordea, sasoia heltzean gorputz osotik, ezin uler

zezakeen halako kilima sentitu zuen, iragan zen urtean ez

bezalakoa.

Zaharrak esan arte itxaron barik bere ahotik atera zen.

Hortxe daude iparralderanzko abioan berriz, urtero legez.

Eta jakin barik, instintiboki, hegoak astintzeko eta

basahate haiekin batera joateko sekulako desioa sentitu

zuen baserriko ahate hark.

Oraingo honetan bera ere, besteak bezala, gora begira

gelditu zen, bere bihotzaren mezua ezin azalduz,

haizeak lagun guztien lumak harrotzen zituen bitartean.

                              Usuaia, Suaren Lurraldea