Hitz bat zabaltzen dudanean.

Jantzita nago.

Gutxi kostatzen zait kalera ateratzea eta

horma gainetiko katuak txiza markak usaintzen

ikustea.

Gutxi kostatzen zait adar iharretan hain tristeki

agurtzen nauten azken hostoei erreparatzea

eta

zerura begiratzea,

zozo-hodeiak zulo beltzak bezala,

irensten nautela sentitzeko,

batzuetan hor goian, zure begi ilunen forma

egiten baitute.

Zure begi ilunen forma.

Orduan, begiak hitza zabaltzen dut.