Apenas betarik dudala

aditzen ditut zure hitz gozoak,

mahaiak, aulki hutsak isilpean

mugitzen hasi direlako.

Apenas zutik nagoela

besarkatzen nauzu kantoi

ezezagun honetan,

hodeiak lekuko konplizeak

ditugulako.

Apenas jabetzen naizela

aditzen ditut txorien kantak,

hainbeste zarataren erdian

komunikazioa nola lortzen duten

harriturik.

Apenas laztantzen nauzula

zirrararen ahotsa sentitzen dut

bizkarrean, gora goldatzen eta

berriz txori komunikatzaileen

trebezia.