Zaila da lo egitea, zure laztanek hondar

bihurtu naute gaur, sitsak histuriko egurra

jatean zarata handiegia egiten du,

kezkek, gauero, intsektuak bezala,

hutseratu egiten naute eta

ezin bizi-gogoaren defentsari eutsi.

Zaila da lo egitea, zure musuek ezpainetako

gorritasuna xurgatu didate, ilargiak bere besoak

luzatzen ditu leihoaz lekora desairez

eta orain, gainera, telebistako antena guztiak

hasi dira teilatuetatik korrika.

Horrela zaila da lo egitea eta zu ez bazara

laztantzen nauen gaua, are zailagoa.