Hasieran Jainkoa zen

eta Jainkoa hitza zen

eta hitza mutu

eta Jainkoak ezerezetik sortu gauzak oro

—bizidun eta bizigabeak—

baina mutu zen eta

Adam sortu zuen lokatzetik

—loaren atzetik—

eta hitza eman zion

izenda zitzan gauzak oro

—izen eta izan zitezen—

eta Adamek izendatu zituen

denbora, leku, zeru ta lurrak

izar, ilargi ta eguzkiak

haizea eta animaliak

ur gezak eta gaziak

—bakoitza zegokion izenaz—

eta izenaren arauera izan ziren denak

eta deitu zion Adamek ezerezari Jainko

—ez baita on gizona bizi dadien bakar—