Zotal egunak
Joxerra Garzia

Kutxa, 1991

 

 

POEMA BATEN AMAIERARAKO

 

Jaiegunetako jantzi multikoloreak erantzi

eta martxo hondarreko eguzki epelera

eskegi ditu parke zaharrak.

 

Biluzik parkea

itxirik laberintoko ateak

oihurik ez montaña suizoaren aldetik

autotxokeak talka berrietarako indarberritzen

lo.

 

Alferrik dute erlojuek

arratsaldeko hirurak eta laurdenak seinalatzen.

Erreka misteriotsuko gurpilak

—erresumako erloju nagusiak—

ez du uherkan denboraren urik mogitzen.

 

Barraketako nagusiak tabernan

bazkalosteko nagiak ateratzen ari

tiropitxoiko mutil beltzarana

tiobiboko ugazabaren alabaren jiran

postale kitx baterako modeloak irudi.

 

Zotal egunak
Joxerra Garzia

Kutxa, 1991