STEPHEN HAWKING-i

Betirako, betirako, mintzo da

mintzo bat gizakiaren baitarik bortizki

eta gizakiak here baitan

bilatzen du betirakoa

ikusten duelarik

gaztea zahartzen

zaharra hiltzen

hila usteltzen

eta erabakitzen du

ez naiz ni betirakoa.

Betirako, betirako, mintzo da

mintzoa gizakiaren baitan bortitzago

eta gizakiak

zerurantz bihurtzen ditu begiak

betirakoaren bila

ikusten duelarik

duela milaka urte

ezeztaturiko izarren baten

argi arrasto iluna

eta eder deritzo zeruan izarrari

aldaezin, tinko, betirako.

Betirako, betirako, mintzo da

gizalda mintzoarekin aho batez

txunditurik

dagoeneko iragana den

unibertsoari begira.