YUE-LINGen SAILKAPENA

Lau urtearoak ditu Ortziak

eta bost lehengaiak, eta bederatzi mailak

ate banarekin

eta hirurehun eta hirurogei egun.

Orobat ditu gizakiak ere lau lohadar

bost errai, bederatzi zulo eta

hirurehun eta hirurogei artikulazio.

Hirutasun bat osatzen baitu gizakiak

Ortzia eta Lurrarekin

eta haren izpirituak jabetasunez ebazten du

hargatik dira haren belarri-begiak

eguzkiaren antzeko

hargatik da haren odola euriaren pareko

eta hatsa haizearen irudi.

lehenik, adiezazu

lau direla gauza ororen sustraiak:

Sua, Ura eta Lurra

eta Eterraren garaiera eskerga.

Lau sustraiotatik sortuak dituk

gauzak oro

izango direnak eta direnak eta izan direnak.

ENPEDOKLES