Gogoan dut Sanson, lehen kamikazea

nola esan nion alferrik zela

moztekotan errotik moztu behar

dela etsaiaren kasta

ez duela merezi haiekin batera hiltzerik

gozatzeko direla mendekuak

inor salbatzekotan geure burua

salbatzetik hasi behar dugula

gizarajoa, ez zidan

jaramonik egin

filisteoekin galdu zen

betiko sekula

baina filisteoak

berriro ugaldu ziren

eta zabaldu munduan barrena

eta

okerrago dena

baita kamikazeak ere.