Kabalisten kabala kabalen arauera

hogeitabi dira oinarrizko letrak

zeinak marraztu eta konbinatuz

munduan diren gauzak oro

sortu zituen Jainkoak.

  Orobat dira hogeitabi munduko alorrak

zeinetako bakoitzean

letra bakar batek agintzen duen

nola enperadore guztiahaltsuak bere erresuman.

  Handia da uraren letraren erresuma

ikaragarria suaren letraren boterea

misterioz beteak loarena eta maitasunarena

baina letra ahaltsuetan miresgarriena

KAF da

bizitzaren gainean baitu aginte

beragandik sortuak dira

eguzkia munduan

asteazkena urtean

eta giza soinean ezker belarria.