Gaur zortzi gaur izan zen

gaur izango da gaur zortzi

zortziko

nekatua da historia

infinitoa zortziko etzana

egun luzea izan zen bezpera

—egunik eta gaurik gabea—

izenik gabeko ezerezaren sehaskan

eta Jainkoak zazpigarren eguneko

osatu zuen bere eskuko lana

eta bere eginkari guztietarik

pausu hartu zuen zazpigarren egunean

eta biharamuna zen bezpera

eta amaia hasiera

zortzi zotal egunen

behin eta betiereko errepika

amaigabeko zortzikoan.