Elizak hustu eta apaizak

desagertu zirenetik

kulpito elektronikoetatik mintzo dira

predikadore berriak.

Ez dute kulpitoa kolpatuz

orru beldurgarririk jaulkitzen,

itxura zaintzaileek agindu arauz baizik

urrutikusentzuleen begi-belarri ertzera

apalki, xuxurluka.

Ez dute meza santurik errezatzen

demokraziaren errosario santuagoa baizik.

Demokrazia

deo gratias.