Baneki non zauden, baneki nora deitu, mezu ederrik

utziko

nizuke zure ausentziaren erantzungailu automatikoan.

Benetako poema landu ederrik, zortziko, soneto eta,

zergatik ez, akrostikoren bat edo beste zure izenarekin:

          Telefono liburuetako orri horietako

          Esperantza-banatzaileen sailean bilatu zaitut

          Rastroetako kinkailaren artean alargun berriak

          Emazte zenaren eraztuna bilatzen duen antsiaz

          Sekula gauzatuko ez diren nere

          Ametsetako lamia.