GABRIEL ARESTIRI ATREBENTZIAZ

Ukan uste duguna

eta dukeguna

nahiaren oihartzuna.

Duguna eta garena

gure ahalmena

hutsaren hurrena.

Antsia eta afana

gure jorana

ezinaren emana.

Iragana, oraina,

zertan engaina

geroaren ordaina.

Sasoia duen oro

burutik zoro

hildakoan haboro.

Zerua gerorako

ez dut lagako

ez dagolako.

Ibaia itsasora

eta denbora

Herioren altzora.

Non da libertatea?

gure suertea

patuaren katea.

Kate honen gogorra

gure zigorra

beharko izorra.

Mirari batez edo

katerik ez balego

zenbat endredo!

Katea hortxe dago

eta akabo

denok gara esklabo.

Katea da errudun

ez alferrik ihardun

apurtu dezagun.

Bada komeri frango

ez dut esango

biba Berango.